Nakko- Na, Nakko- Na

“Nakko- Na”

by

Sarvar Danda


Jaali murrawath, Jaali mohabbath, Nai nai so ghaiya nakko na,
Waide humsey, ghairo ku dawath, aisey jullaban nakko na,
Nakko na… nakko na… nakko yeh laadhan nakko na.

Jhuti himaqath, jhute nakhrey, chottey yeh shaanaa nakko na,
Hidustani kompey key andar, Amrici chalaan nakko na,
Thail bhi milna mushkil hai, yeh ghee ke bagharan nakko na,
Nakko na…nakko na… nakko yeh laadhan nakko na.

Tankha badhako dhaam badharain, mahnghey yeh rotiyan nakko na,
Mu meh niwalah dhene ka dheyrein, sirpo se thongan nakko na,
Padhtal nai padhthey so humna, khatteh piyaran nakko na,
Nakko na… nakko na… nakko yeh laadhan nakko na.

Tight girani ka hai zamana, oonchey udhaana nakko na,
Kharzey leyko chilla-chatti, auhndeh yeh kaajan nakko na,
Sonti sukhrai so naubath meh, paanch jumagiyan nakko na,
Nakko na… nakko na… nakko yeh laadhan nakko na.

Navey dooley ban ko bhatakrein, aageh picheh dekho na,
Kan-kan se kharzah lekoh kharachrain, deyney ki bhi soncho na,
Khaako dubaney waley sangath joru-ke-bhaiyan, nakko na,
Nakko na… nakko na… nakko yeh laadhan nakko na.

Bank mey tha so khaathey ku meyrey, deemakh laga ko chodain na,
Motor meh meri baith ko aakhir, motor bikako chodain na,
Scooter peh bait ko ab yeh kammar meh haathan nakko na,
Nakko na… nakko na… nakko yeh laadhan nakko na.
Nakko na… nakko na… nakko yeh laadhan nakko na.