Maa

Maa samvedna hai, Maa ehsaas hai, Maa bhawna hai,
Maa chintan hai, Maa manan hai , Maa sabki kamna hai,
Maa me sabki surat hai, Maa mandir ki murat hai,
Maa tyag hai,Maa tapasya hai,Maa upasna hai,
Maa geeta hai, Maa bibal hai, Maa kuran hai,
Maa ramayan hai, Maa guruwani hai , Maa aadi puran hai,
Maa tujse hai sab rishte, Maa rishto ki tu majboot door hai,
Maa tujse hi swapnili raate,Maa tu hi mithi bhor hai,
Maa tu Brahma hai, Maa tu vishnu hai ,Maa tu hi Mahesh hai,
Maa tu Laxmi hai , Maa tu Durga hai, Maa tujme hi sare ish hai,
Maa tu mandir ki aarti hai , Maa tu masjid ki ajaan hai,
Maa tujse hi jeevan hai,Maa tu hi deti sabko jaan hai,
Maa tu hi saur mandal hai, Maa tu hi shristi hai,
Maa tu hi bhagya vidhata hai, Maa tu hi Janm datri hai,
Maa tu sabki murat hai , Maa tu pooja ki thali hai,
Maa tu akshat hai, Maa tu hi kumkum – roli hai,
Maa tu sukhdayini hai, Maa tu hi dukh-harni hai,
Maa tu sheetalta hai, Maa tu hi thandi chaav hai,
Maa tu reet hai , Maa tu hi reevaj hai,
Maa tu sahasi hai , Maa tujse hi aagaj hai,
Maa tu geet hai , Maa tu sangeet hai,
Maa tu mukti hai, Maa tujse hi meri kavita ki sukti hai,
Maa tu pyar ka athah sagar hai,Maa tujse hi mamta ka aanchal hai,
Maa tu mathe ki bindiya hai,Maa tu hi navlakha haar hai,
Maa tu chudiya hai majboot hatho ki,Maa tu hi payaliya hai janaat ki,
Maa tune hi anguli thaam hame chalna sikhaya hai,
Maa tune hi girne se hame bachaya hai,
Maa apna pet katkar tune hamara pet bhara hai,
Maa tune fati sasdi pahankar hame naye vastra dilaye hai,
Maa tune hi paise bacha bacha ke hame khilone dilaye hai,
Maa teri mamta ni-swarth hai,Maa teri mamta anmol hai,
Maa tere upkaar anant hai,Maa tere upkaro ka nahi koi mol hai,
Maa tu hi meri himaat hai,Maa tu hi mera hausla,
Maa tujh se hi me hu jeeta,Maa tujh se hi dur hai meri har bala,
Maa tere aashirvad ko bhagwan bhi nahi kaat sakta,
Maa tujh sa, ha, tujh sa , is shristi pe koi ho nahi skata,
Maa hi aadi ananta hai, Maa ka hai koi sani nahi,
Maa mai hu tera abodh balak, teri upma k liye shabd nahi,
Maa gardishe lot jati hai meri balaye lekar, ghar se jab mai nikalta hu teri duaye lekar,
lab pe uske siva fir koi dua nahi hoti, ek Maa tu hi hai jo mujse kabhi khafa nahi hoti.