Kab Soochenge

Darham barham dono soochen
miljul kar hum dono soochen
zakham ka marham dono soochen
soochen par hum dono soochen

ghar jal kar raakh ho jaayega
jab sab kuch khaakh ho jaayega
tab soochenge
soocho! aakhir kab soochenge

eent aur patthar raakh hue hein
deewaron dar raakh hue hein
in ke baare mein kuch soocho
jin ke chappar raakh hue hein

be baalon par ho jaayenge
jab khud beghar ho jaayenge
tab soochenge
soocho! aakhir kab soochenge

faake se majboor mare hein
mehant-kash mazdoor mare hein
apne ghar ki aag mein jalkar
maarof va mashoor mare hein

ek qayamat dar par hogi
maut hamare sar par hogi
tab soochenge
soocho! aakhir kab soochenge