America sey aik khat

chand saal pheley na janey kis ney yeh qath likha tha, ek bar phir aap key samney pesh kerraha hoon. suniye aur lutf andooz hoiyeh. America ko agar lafzoon main likha jayee to kuch aisa hai ke……..

Zameen Hamwar Nahee,
Mousam ka aitbar Nahee,
Larke wafadar nahee,
Mazhab say sarokar nahee,
Khuloos say hamkinar nahee,
Badalney ko taeyyar nahee,
Waqat madadgar nahee,
Halat sazgar nahee,
Khuda kay shukar guzar nahee

Gharz ye kay amarica koee shahakar nahee. Magar is kay bawajood is mulk may bahut see batain aisee hay jo agar Pakistan ya Hindustan main ho to wo dunya key behtareen mulk ban jaee.

Yahan fazool tehwar nahee,
Rasoomat ka menar nahee,
Sarak par ghubar nahee,
Bhikari ka deedar nahee,
Nalon par qatar nahee,
Koee banda be-kar nahee,
Pabande-e-waqt dushwar nahee,
Taleem ka mayaar nahee,
Ejadaat ka shumar nahee,
Koee kisi say khuwar nahee.

Magar chand batay aisee thee jo kuch dil ko khatke maslan

Ghaza mazedar nahee,
Khaney may achar nahee,
Ghee ka baghar nahee,
Churiyon ki jhankar nahee,
Behan ka pyar nahee,
Abba ki phitkar nahee,
Data darbar nahee,
Qaid ka mazar nahee,
Sab say bari boreat Urdu ka akhbar nahee.