Aaj jaane kii zidd na karo

aaj jaane kii zidd na karo
yuu.N hii peh-luu me.n baiThe raho
haaye! mar jaaye.ge, hum to luT jaaye.ge
aisii baate.n kiyaa na karo

tum hii son.cho zaraa kyuu.N na roke.n tumhe.n
jaan jaatii hai jub uTh-ke jaate ho tum
tum ko ap-nii khasam jaan-e-jaa.N
baat it-nii merii maan lo

waqt kii qaid me.n zindagii hai magar
cha.nd gha.Diyaa.N yehii hai.n jo aazaad hai.n
inn ko kho kar abhii jaan-e-jaa.N
umr bhar na taraste raho

kit-naa maasuum-o-rangiin hai ye samaa
husn aur ishq kii aaj meraaj hai
kal ki kis-ko Khabar jaane-jaa.N
rok lo aaj kii raat ko

gesuuo.n kii shikan hai abhii shabnamii
aur palako.n ke saaye bhii mad-hosh hai.n
husn-e-masuum ko jaane-jaa.N
beKhudii me.n na rusvaa karo